چەرمگ بوین گیس چ پەیوەنیيگ وەرد ڤیتامین دیرێد
2023-09-08T07:26:45+00:00
شەفەق نیوز/ کەسەیلیگ فرە هەس لە تەمەن گەنجی تویش گیچەل چەرمگ بوین کیس تیەن کە بڕیگ جار لە تەمەن سەرەتای بیسەگانن، یەیش هاتێ گلەوبخوەێد ئەرا کەمبوین ڤیتامینیگ گرنگ.
لە باوەتیگ ماڵپەڕ "medicalnewstoday" باس لەوە کەێد، ئاڵشتبوین رەنگ گیس ئەرا رەنگ خوەڵەکویی یەکیگە لەو نیشانە بیزارکەرەیلە کەسیلیگ فرە بیزارن لەدەس، یەیش هاتێ هووکارەگەی کەمی ڤیتامینB12لە لەش بوود.
کەمەوبوین ڤیتامینB12لە لەش یەکیگە لە هووکارەیل چەرمگ بویا گیس وەرجە مەوقەی خوەی، چوینکە ئی ڤیتامینە پێویستە ئەرا مقیەتیکردن لە تەندروسی خوین و خانە دەماریەگان، هەمیش گیس لە چەرمگ بوین دویرەوکەێد.
