ئەرا بایەت دڵخوەش بوین وە فرە ئارەق کردن
2023-05-15T08:32:35+00:00
شەفەق نیوز/ ئارەقکردن جویر هونککەرەویگە ئەرا لەش ئایەم و مقیەتی کەێد لە بەرزەوبوین پلەی گەرمی، هەمیش ئارەقەرژێنگان ک نزیکەی دوو تا چوار ملیۆنا جویر پاککەرەوەیگ کارکەن، ک واتە وە مدووی ئارەقکردن لەش خوەی پاکەوکەێد لەمادە ژەهراویەیل ناو لەش.
تیمیگ زانستی زانکۆی تیوبینگن لە وڵات ئەڵمانیا لە لە لێکڵینەوەیگ سوودیگتر ئارەقکردن پەیاکردنە ک ئەویش مقیەتیکردن لەشە لە بیماری چوینکە ئارەقکردن جویر ئەنتیبایۆتیکی لەبان پووس کارکەێد ، چوین؟
مەوقەی ئایەم لەوەر وەرزشکردن یا هەر هووکاریگتر ئارەق کەێد، ئەوە ئارەقە رژێنەگان دەسکەنە فڕەداین پرۆتینیگ ک وە پێپتاید دیرمسیدین ناسریاگە،ئی پرۆتینە جویر دژە بەکتریا لەبان پووس کارکەێد، ک واتە وەپای ئی توێژینەوە توەنیم بویشیمن لەوەر ئارەقکردن لەش بەرگیگ پارێزەر لەبان پووس درووسکەێد ک دژە میکرۆب و بەکتریاس.
