پیر لە گشتی خوەشهاڵترە

گەنجی، دەوڵەمەنی، رەنگینی، فرە کەس لەلای خوەیانەو ئەو کەسەگ ئی چشتەیلە دیرێد خوەشهاڵترە لە کەسیگتر، باوجی هەمیشە یە دروس نییە، چوینکە گەنجی و پویل فرە هەمیشە خوەشهاڵی و رازیبوین پەیا نیەکەێد، ک خوەشهاڵی لە خود ئایمەگە تیەێد، و ئەوەگ توەنێد بکەێدەی تا خوەشخاڵ بوود، و ئەوەسە ک تۆێژەرەیلیگ لە رووژنامەی "فرانكفورتر روند شاو" ئەڵمانی بڵاوی کردن.

 لە تەمەن گەنجی هەمیشە ئایەم جویر وەسەربردن وەختەگە وە کارەیلیگ ویرەدار وەپی نووڕێد، و کەفێدە شوین ئەزموونەیل نوویگ و خوازێد چشتەیل نوویگ تاقی بکەێد، و وەخت خوەشیگ وەسەر بوەێد، وەلێ هەمیشە وەختیگە ک تەواو بوود.

هەناێ ئایەم وەرەو پیری چوود، ژیانی رۆتینەو بوود، لەوەر گرفتەیل تەندروسی ئەو ماوەی تەمەنە، وەلێ فرە لەلیان لە وەخت پیری فرەتر خوەشخاڵ بوون.

لەی باوەتە مامووستای پزشکی، توبیاس ئیش لە زانکۆی فینن/هیردک لە ئەڵمانیا ئویشێد: لەبان بیماریەیل لەش پیرەیل، وەلێ وەشیوەیگ گشتی خوەشهاڵترن، و هەس وە رازیبوین زیاتر لەوانە کەن ک نیمەی تەمەنیانن، و هەر خود پیری بوودە جی خوەشهاڵی.

ئیش دیاری کەێد ک فامستن خوەشحاڵی وەگەرد ژیان ئاڵشتەو بوود، ک گەنجەگە مینەی چیژ و جموجویل کەێد، لە وەختیگ پیرەیل دویر لە ژاوەژاو و پابەندبوین کەفن، جویر ژیان پیشەیی، پەروەردەکردن مناڵەیل، گرفتەیل پەیوەندیەیل، بیناکردن یا سەنین ماڵ.

لە گەنجی ئایەم کەفێدە وەر سەختیەیل فرەیگ، وەگورەی قسەی خانمە مامووستای زانست کۆمەڵایەتی هیلکە برۆکمان، ک ئویشێد: لەی تەمەنە پابەندیەیل فرەیگ دیرێ، وەلێ دویاجار، دووارە لە ژیان رازی بوێ، و وەخوەد ئویشێ؛ هیمان توەنن دڵخوەشی وە خانەنشینی بکەم، وەخت دیرێ تا جاریگتر خوەد بناسێ، و تاقی چشتیگ بکەێ.

لە تەمەن شەس ساڵ ئەوبان، مەردم هەمیشە چشتەیل فرەیگ نیەخوازن تا خوەشهاڵ بوون، وەگورەی قسەی مامووستای پزشکی توبیاس ئیش.

یەسە ک ئاشکرای ئەو هەس قویل و هەمیشەییە وە خوەشهاڵی و رازیبوین لەلای پیرەیل کەێد، هەرچەن بیماری پیری دیرن، و وەگەرد پیربوین، ئازاد خوەد لەوە کەێ ک بایەتە لە گشت شیوەیگ تەندروس بوێ، تا ئەوەنە چشتیگ نییە هەڕەشەی ژیاند بەێد.

سەرچەوە:DW