رێسورانت ماکدۆناڵدز وە 800 هەزار دۆلار قەرەبوو زاڕوویگ کەێد
2023-07-24T14:52:17+00:00
شەفەق نیوز/ "ئۆلیڤیا کارابالو" ناو زاڕوویگ ئەمریکییە ک وە مدوو سزیان قولی لە رێستورانت ماکدۆناڵدز وە بڕ 800 هەزار دۆلار ئەمریکی قەرەبوو کریەێد.
کەیس ئی زاڕووە وە لایەن داڵگ و باوگی لە دادگای ویلایە فلۆریدای ئەمریکا وازکریاگە، ئەویش هەنای لەساڵ 2019 مەوقەی خواردنەگە کوتیگ مامر ک فرە سویەر وەپیان دریەێد و کەفێدە بان قول ئۆلیڤیا لەو مەوقەو تویش سزیان پلە دوو بوود.
وە مدوو دادگا بڕیار قەرەبوکردن ئۆلیڤیا و خیزانەگەی دەێد وە بڕ 800 هەزار دۆلار ئەمریکی خیزانەگەی ئویشن هەرگیز چەوەڕی ئێ قەرەبوە نەویە یە فرە فرەترە لەوەگ چەوەڕی کردنە.
