دویای مردن قورسترین پیاو لە بەریتانیا شوینیگ ئەرا سزانن لاشەگەی وەدەس خاوەنی نیەکەفێد

وەگورەی بڵاوکردن رووژنامەی سەن بەریتانی، لیزا داڵگ جیسۆن هۆلتون، تەقەلا دەێد شوینیگ پیا بکەێد جی لاشەی کوڕەگەی لەناوی بوودەو تا بسزنێدەی، وەلێ تا ئیسە وەدەسی نەکەفتیە.

یەکەی پەیمانەکردن کیش لە بەریتانیا وە سانە، کە هەر یەی سان ١٤ رەتڵ یا ٦.٣٥ کێلوگرام کەێد، و کیش جیسۆن ٥٠ سانە.

وتیش: جیسۆن تەمەی کردگە تەرمەگەی بسزنن، وەلێ هاتێ فرە لاشەی پێن بوود و نەچوودە ناو ئەو شوینە کە ئەرا سزانن کریاس.

لیزا وتیش: ئەگەریش بنەیمنەی خاک بایەسە زەوی دوو قەور ئەرای بسینم و یەیش خەرج فرەیگی چوود.

جیسۆن ئی مانگە لە تەمەن ٣٣ ساڵان لە ئەنجام بیماریی لەوەر چاخی فرە گیانی لەدەسدا.