دۊیای ٦٧ ساڵ پەیام سەربازیگ لەجەنگ جەهانی دۊیەم رەسێدە دەس خیزانەگەی  

شەفەق نیوز/ هەکاتی فیلمەیل هۆڵیوود،  خیزان سەربازیگ ئەمریکی، ک کوڕەگەیان لە ئەڵمانیا جیگر بۊیە، پەیامیگ لەلی رەسیە دەسیان، ک وەرجە ٧٦ ساڵ،  دۊیای کۆتایی هاوردن فەرمی وە جەنگ جەهانی دۊیەم،  ئەو پەیامە نۊسیاس.          

رووژنامەی گاردیان بەریتانی لە زوان میدیایل ئەمریکی نۊسان: جۆن گونسالفیس وەپلەی رەقیب لە سوپای ئەمریکا،  لە کانوون دۊیەم ١٩٤٥ تەمەنی ٢٢ ساڵان بۊیە، پەیامیگ ئەرا لەداڵگی بۊساگە، تا ٧٦ ساڵ نەڕەسیە دەسی.       

پەیامەگە لە شۊنیگ لەناو فەرمانگەی بەشەوکردن پەیام لە شار بیتسبیرگ ئەمریکا پەیا کریا.     لەناو پەیامەگە نۊسیاگە: داڵگ ئەزیزم، ئمڕوو پەیامیگ لە توو وەرگردم، و خوەشهاڵ بۊیم ک گشتی خاسە، و منیش خاسم،  باوجی خوادنەگە گەنە.    

لەکۆتایی پەیامەگە نۊساگە،: دووسی وماچەیلم، ئومیدخوازم وەینزیکە بۊنمەد.     

گونسالفيس خاوەن  پەیامەگە لەساڵ ٢٠١٥ مرد، و داڵگییش مرد، وەلێ فەرمانگەی بەشەوکردن پەیام، ناونشان ئەنجلینای ژنی پەیا کرد، ک دۊیای ٥ ساڵ لە نۊسین پەیامەگە  خوازیەسەی.