خاوەن دریژترین گیس ئاخری بڕێدەی

شەفەق نیوز/ دوێەتیگ هیندی، خاوەن دریژترین گیس لە جهان، لە دویای ١٢ ساڵ، گیس خوەی بڕێد،

نیلاچی باتێل لە تەمەن ١٨ ساڵانە، لە ساڵ ٢٠١٨ ەو ژمارەی پەیمانەیی لە درێژترین گیس لە کتاو گینیس دیرێد، هەنای دریژی گیسی رەسیە زیاتر لە ٦ پا (نزیکەی ١،٨ مەتر).

وەگورەی رۆژنامەی «دایلی میل» بەریتانی؛ باتێل لە تەمەن شەش ساڵان خوەشی نەهات گیسی بووڕێد.

وەی دویاییە، باتێل بڕیاردا گیس خوەی بوورێد، و پێشکەشی وە موزەخانەی هۆڵیوود بکەێد.

باتێل لە مەوقەی گیس بڕینی وت؛ ئیسە هەست کەم بویمەسە شازادەی بویچکیگ.

لەلای خوەییش، داڵگ باتێل وت: ئەو گیس دوێەتیە ک لە هەفتەی جاریگ خوەی شووردیادەی وهشکیەو کردیاد و شانەی دیاد، لەدەسی چگ.