تەگر وە ئەندازەی خا وارێدە بان شاریگ تورکی و زەرەد گەورەیگ رەسنێد
2023-09-03T13:54:42+00:00
شەفەق نیوز/ میدیایل راگەیانن تورکی، ئمڕوو یەکشەممە، خەوەردان کە دەنگە تەگر وە ئەندازەی خا لە شار ئەلتینیایلا لە ویلایەت سیواس تورکیا واریە، و شویشەی هەزاران ماشین شکانیە، و رویەیل دوکان و ماڵەیل ویران کردیە.
کویخای ئەلنینیایلا، سینان ئکبولوت وت: زەرەدەیل فرە گەورە بوین، ماڵ و ماشینەیل زەرەدمەن بوین، و ئاژەڵەیل فەوتیان.
خەڵک ناوچەگە وتن؛ تا ئیسە ئیجویر تەگر فرە وە گەورە و سەختیگ نەیمنە.
بڕیگیان دەنگەیل تەگرەگە نانە شان خای مامر، و دیار دەێد کە قەوارەیان هەر جویر یەکە.
بەشیگ لە پارێزگایل تورکیا، ئمڕوو یەکشەممە، واران رفتیگ لەناویان وارێد، کە ریوبانەیل لە ئەنقەرەی پایتەخت نقوم کرد، و یەکیگ لە ریەیل شار سامسۆن ویران کرد.
