بیڵ گەیتس: زیرەکی دەسکرد دەسمیەتی ئایەم دەێد ماوەی کارکردنی لە هەفتەیگ بوودە سێ رۆژ
2023-11-25T07:15:29+00:00
شەفەق نیوز/ وەڕیوەبەر جیوەجیکار وەرین مایکرۆسۆفت بیڵ گەیتس، لە نووترین لێدوانی دیاری کەێد چوین تەکنەلۆژیای زیرەکی دەسکرد دەسمیەتی مەردم دەێد وە تایبەت کارمەن و کراکارەیل.
لە دیداریگ وەگەرد رووژنامەی "نیویۆرک پۆست"، ملیاردێرە ئەمریکییەگە مەزنەکەێد رووژیگ تێد هەوەجە نەکەێد ئایەم ئەوەنە کاربکەێد تا بژێوی زندگی دابین بکەێد.
دیاریکرد، زیرەکی دەستکرد شێواز کارکردن و چاشین و گەشت و چەودێری تەندروسی و پەیوەنیکردن وەگەرد یەکتر لەناو مەردم ئاڵشتکەن نەک بردن زندگیان.
ئاشکەرایکرد" هاتێ مناڵەگان 100 ساڵ زندگی بکەن وە مدوو تەکنەلۆژیا تویش شێرپەنجا نییەن، هەمیش وە جویریگ دەسمیەتیدەر مەردم بوود لە هەفتەی هەوەجە بکەێد سێ یان چوار رووژ کار بکەن".
بیڵ گەیتس بازرگان و نویسەر و هاودامەزرێنەر کۆمپانیای مایکرۆسۆفتە، لە تەمەن ٣١ ساڵی بیەسە ملیاردێر و ئیرنگە سامانەگەی وە ١١٧ ملیار دۆلار مەزەنە کرێد.
