ئاڵشتبوین کەشوهەوا.. هشکەساڵی دەێد لە روی زەوی
ناهاوسەنگی ژینگەیی
دۆمیت کامێل، شارەزای ژینگە، سەرۆک پارت ژینگەی جەهانی (کۆمەڵەیگە کە تایبەتە وە مقیەتبوین ژینگە کە بنکەگەی ها بەیروت)، ئاشکرا کرد کە چوین ئاڵشتبوین کەشوهەوا زویوەزی بوود، تەنانەت بوودە مدوو ناهاوسەنگی لە مەوقە و بڕ واران و پلەیل گەرما و وەرزەیل.
وتیش: "یەکیگ لە هوکارەیل کەمی واران ئەوەسە کە چینەیل بان بەرگەوا ئاڵشتبوین زاقیگ وەسەریان هاتیە، لەوانە گەرمەوبوین، ک ئەورەیل لەبانیان رەد بوون تا رەسنە شوینگتر و هوونکتر، یەیش هیلێد واران وە رفتی بوارێد و بوودە لافاو.
وتیش؛ گەورەترین قەیران هەڕەشە لە وڵاتەیل کەێد کە کەشوهەوای هشکە یا گەرمە، کە کەفنە وەر رخیگ کە پەیوەندی وە خوازین ئاو دیرن، چ ئاو کشتوکاڵی بوود یا ئاو نووشین.
کامێل وتیش: ئیرنگە بڕیگ وڵات کاردانەوەی ئاڵشتبوین کەشوهەوا وەخوەیان دوینن، و لە وەختیگ وڵاتەیلیگ وەدەس هشکەساڵی و بیاوانبویون ناڵن، بڕیگیش وەکڵس قەیران ویرانکەر و لافاو و ناڵێد، وتیش: ماوەی درویژ هشکەساڵی نەک تەنیا هوکار کەمی ئاوە، بەڵام بوودە مدوو ناهاوسەنگییگ گەورە لە سیستەم ژینگە، ئەرا نموونە، هەمەڕەنگی زنەیی لەناو دەێد کە مقیەتی هاوسەنگی ئیکۆلۆژی کەێد.
