ئاژئاژه‌کی نوای نزرگ گرتن فرە دگرێ

ئاژئاژه‌کی نوای نزرگ گرتن فرە دگرێ
2021-04-03T13:08:49+00:00

شەفەق نیوز- دە تب سوننەتی کوردیاتی وتنە ک نزرگ یا نیسکە ئەڕا گەپ بیین، گووشت گرتن ئوو باڵا ئەڵواقانن زاڕوو و نووزا فرە خووە.

هەمجا دوتن ک نزرگ دریژەدار خاس نییە و ئەر نیسکەگە بان ئەڵ بان هە مایەێ بایەد یا وە وەع و پخ کردن لە ناکام یا وە وتن قسەیێگ ک ویر نزرگ‌کەرەگە بچووگە لاێ، کوت‌وپڕ ئەوی لە پڕگ ببرێ تا نزرگەێ ببڕێگەو، هەرچەن زانست پزێشکی جواوێ وە بوچوونی ئی کارەێلە نەداگە

هەمجا ئاژئاژەکی کردن و خوەێ‌یەو کیشان ک جاران نەنگەێل کورد وە ماڵگەێل دوتنەی جوور نزرگ‌بڕ وەێ دنووڕن و ئێسەیش دویشن ک هەر کەس بخوازێ نیسکەبڕ ببێ بایەد هەر دو دەس بنێگە پشت سەر و خوەت ئەو بکیشێ تا پەردەێ دیافراگم زگێ بچەکێگ و نزرگەگەێ ببڕێگەو.

ئاژئاژەکی جوورێگە لە حەرەکەت کیششی و جم و جووڵەێل لەش ئەڕا کیشا هاتن ماسیچە و لەش و دەرهاتن تەز و شەکەتییەو خواردن گیان و دەرکردن ژان و ژوو.

ئەوسا ئێقەرە نزرگ کردن زاڕوو خاس دزانستن ک دە ئەدەبیات فولکلور کوردیاتی، لە هەوەز یە ئەڕا مناڵەێلەیان دخوەنستن و پردێیان ددان هەوا و دگرتنەیان تا جگە‌جگە ویر لە نزرگە ببڕن و ولکەرایان ببێ؛

نزرگ کەرێ باڵاو کەرێ

وەرد دۆتەێل ماڵاو کەرێ

یا

نزرگ‌کەرەم نەمرێ

سەد ساڵ بوێگە عەمرێ

ئێسە دوکتورەێلەیش دویشن هەر کەس فرە نزرگ بان ئەڵ بان بکەێ، کوت و پڕ سکتە دکەێ و دمرێ.

Shafaq Live
Shafaq Live