پيشمه‌رگه قسه له‌باره‌ى په‌لاماره‌يل داعش كرد و سيناريۆى 2014 دويره‌وخست له عراق
شه‌فه‌ق نيوز/ وه‌زاره‌ت پێشمه‌رگه له حكومه‌ت هه‌رێم كوردستان، داواى هه‌ماهه‌نگييگ گشتگير و ته‌واو كرد له‌ناونى هيزه‌يل عراقى و هيزه‌يل پێشمه‌رگه له‌وه‌ر روێ وه‌ڕوێ بوينه‌وه‌ى په‌لاماره‌يل ريكخرياگ داعش له ناوچه‌يل كيشه له‌سه‌ر.
له‌ى باوه‌ته‌و، فه‌ريق جه‌مال ئيمينكى سه‌رۆك ئه‌ركان هيزه‌يل پێشمه‌رگه له باسيگ ئه‌را شه‌فه‌ق نيوز وت: جموجويل چه‌كداره‌يل ريكخرياگ داعش له ئمساڵ زياى كردگه وه به‌راورد وه‌ل دو ساڵ گوزه‌يشت و باس له‌وه‌يش كرد داعش له هه‌ردوگ مانگ ئادار و نيسان 30 كرده‌وه‌ى تيرۆريستى له ناوچه‌يل كيشه له‌سه‌ر ئه‌نجام داگه.
ئيمينكى داوا له وه‌زاره‌ت وه‌رگرى عراقى كرد هه‌ماهه‌نگى ته‌واويگ وه‌ل هيزه‌يل پێشمه‌رگه بكا، چوينكه هه‌ماهه‌نگيه‌يل ئيسه به‌تاڵه له وجوود ئه‌فسه‌ره‌يل پێشمه‌رگه له پرووسه‌ى هاوبه‌ش وه‌ل نه‌وين ناوه‌ند و ناوچه‌يل هاوبه‌ش ئه‌منى.
جى باسه، ئيمنيكى ئه‌وه‌يش وه دوير زانست ك ريكخرياگ تيرۆريستى داعش جوور ساڵ 2014 بتويه‌نێد ده‌س بگرێده بان خاكه‌يل فراوانيگ، ئه‌ويش له‌وه‌ر وجوود ئاڵپشتى ئاسمانى هيزه‌يل هاوپه‌يمان ناوده‌وڵه‌تى.
