پارتى: داعش له‌ناو ده‌زگايه‌يل كه‌ركوك وه‌پشتگيرى پاريزگاره‌گه‌ێ وجوود ديرێد

پارتى: داعش له‌ناو ده‌زگايه‌يل كه‌ركوك وه‌پشتگيرى پاريزگاره‌گه‌ێ وجوود ديرێد
2019-06-11T11:12:04+00:00

شه‌فه‌ق نيوز/ پارت ديموكرات كوردستان، ئاماژه‌ وه‌ دو كيشه‌ كرد ك گرفت ئه‌را بارودوخ ئه‌منى له‌ پاريزگاى كه‌ركوك دروس كردنه‌.

 

له‌ى باوه‌ته‌و، شاخه‌وان عه‌بدوڵڵا ئه‌ندام له‌ پارت ديموكرات كوردستان وت: كيشه‌ له‌ كه‌ركوك دابه‌ش ئه‌دێ ئه‌را دوو شيوه‌، يه‌كيگ له‌ليان په‌يوه‌سه‌ وه‌ داعش ك خوه‌ى گرده‌و كردگه‌و چالاكى له‌ ناوچه‌يل باشوور كه‌ركوك ئه‌نجام ئه‌ياد، كيشه‌ى دويه‌ميش په‌يوه‌سه‌ وه‌ چه‌كداره‌يل حه‌شد شه‌عبى ك ده‌سكردنه‌سه‌ تاڵانكردن و بردن ماڵ و موڵك هاووڵاتيه‌يل كورد له‌ شاره‌گه‌.

 

عه‌بدوڵڵا له‌ لێدوانه‌يلى ك له‌لايه‌ن ماڵپه‌ڕ پارت ديموكرات كوردستانه‌و جيواز كريا وت: تيرۆريسته‌يل داعش وجوود ديرن له‌ناو ده‌زگايه‌يل حكومى، ئه‌ويش وه‌ يارمه‌تى و پشتگيرى له‌ پاريزگار چه‌سپنرياێ له‌ پاريزگاگه‌و تائيسه‌يش مه‌ترسيه‌يل فريه‌يگ دروس كردگه‌ له‌ كه‌ركوك و ده‌ورگردى.

 

Shafaq Live
Shafaq Live