پولیس هەولێر ئاشکرای هویردەکاریەیل کوشیان ئەفسەریگ پیشمەرگە لە نزیک فڕۆکەخانەی شارەگە کەێد
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: دویای لێکۆڵینەوە و چەودیاریکردن کامیرایل و لە بنەمای بەڵگەیل پزشک دادوەری، دەرکەفت ک ئەو ئەفسەرە وەرجە رویداوەگە لە یەکیگ لە مەیخانەیل بویە، و لەبان جادەی ١٢٠ وسیایە، و دویای ئەوە وە تونی ماشینەگەی رانیە و ماشینەگەی داگە لە کنار ریەگە، ئیجا خوەی کیشاسە ماشینیگ بارهەڵگر.
وتیش؛ ئی ئەفسەرە سەرخوەش بویە و و چەک کلاشینکۆف خوەی تەقە لە قول چەپ خوەی کردیە، و بەڵگەیل نشان دانە کە گولەگە لە ناو ماشینەگەی دەرچگە، و قەوان فیشەک چووڵ لەناو ماشینەگەی پەیا کریایە، وتیش: ئەفسەرەگە لەناو ماشینەگەی خوینی رشیایە، و گیانی لەدەسدایە.
دویەکە یەکشەممە، سەرچەوەیگ ناوخوەیی خەوەردا لە کوشیان ئەفسەریگ وەپلەی عەقید لە وەزارەت پیشمەرگە.
سەرچەوەگە ئەرا ئاژانس شەفەق نیوز وت: عەقید (فوئاد شەهید زەرارە) لە ئەنجام پەلاماریگ وەلایەن کەسەیلیگ نەناسیاگ نزیک فڕۆکەخانەی ناودەوڵەتی هەولێر کوشیایە.
