کوشتن خۆپیشاندەریگ وە گولەی نەناسریاگەیلیگ لە چەمچەماڵ.. ڤیدیۆ

کوشتن خۆپیشاندەریگ وە گولەی نەناسریاگەیلیگ لە چەمچەماڵ.. ڤیدیۆ
2020-12-07T15:50:16+00:00

شەفەق نیوز/ سەرچەوەیگ چەودێر، ئمڕوو دووشەممە، خەوەردا لە کوشتن خۆپیشاندەریگ وە گولەی نەناسریاگەیلیگ لە قەزای چەمچەماڵ لە پارێزگای سلێمانی، وەگەرد بەرزەوبوین  کارەیل توندوتیژی لە ناڕەزایەتیەگان لەبان دیرکەفتن خەرج مووچەیل فەرمانبەرەگان.

 

سەرچەوەگە ئەرا ئاژانس شەفەق نیوز وت: یەکیگ لە خۆپیشاندەرەگان لە ناوەند قەزای چەمچەماڵ وە کولە کوشیا و دووان تر زەخمداربوین، و تەقەکەرەگە تا ئیسە نەناسریاگە.

 

ودیاریکرد ک قوربانیەگە ناوەی ئەدهەم جەماڵە لەتەمەن ٢٦ ساڵانە، و بریا ئەرا پزشک دادوەری لە شار سلێمانی.

 

سەرچەوەگە وتیش ک هێزە ئەمنیەگان وە خەسی لە ناوەند قەزاگە بڵاوە بوینە لەناو رویوەڕوبینەیلیگ وەگەرد خۆپیشاندەرەگان ک خوازن بڕەسنە نووسینگەیل حزبەگان تا ئاگریان بیەن.

Shafaq Live
Shafaq Live