کوشیان گەنجیگ لەناو ماڵ خوەی لە هەولێر

شەفەق نیوز/ وەڕێەوبەرایەتی پۆلیس پارێزگای هەولێر، ئمڕوو جومعە، خەوەردا لە کوشیان گەنجیگ وەدەس کەسیلیگ ک تەقە لەلی کریایە لەناو ماڵەگەی لە یەکیگ لە ئاوایەیل پارێزگاگە.

پۆلیس لە بەیاننامیگ ئمڕوو وت؛ لە ساعات 10:30 دۊیەشەو ئاگادارکریان لە کوشیان کەسیگ لە ئاوای "ئالیاوە" سەر وە سنوور ناحیەی قوشتەپە تیمەیل لێکۆلینەوە وە کوتپڕ رەسینە شۊن روداوەگە.  

لە بەیاننامەگە دیاریکرد، لە لێکۆلینەوەیلە دەرچگە هاوڵاتی ناسریاگ وە (ئەحمەد لەتیف سولیمان)   لەناو ماڵ خوەی گولە لەلی دریاگە، وتەرمەگەی ئەرا فەرمانگەی پزشک دادوەری کلکریایە. 

وتیش، لەو زانیارەیلە ک کەفتیەسە دەس هێزەیل پۆلیس کەسەگە لەوەر گرفت کۆمەڵایەتی کوشیایە، دیاریکرد ناسنامەی ئەنجامدەر تاوانەگە ناسریاگە،  لێکۆلینەوە ئەرا روداوەگە واز کریا.