کابرایگ لە هەولێر خوەشک خوەی و پیاویگ وەگەردی کوشێد

شەفەق نیوز/ وەڕیەوبەرایەتی پۆلیس پارێزگای هەولێر، ئمڕوو سێشەممە، راگەیان کوشیان پیاویگ، و دۊیەتیگ وەدەس براگەی لەوەر گرفتەیلیگ خیزانی.    

پۆلیس لە بەیاننامەیگ وت: دۊیەشەو دوو تەرم لە ئاوای لاجان سەروە ناحیەی شاممک لەناو سنوور بنکەی پۆلیس تورەق پەیا کریا، و پۆلیس رۊ وەرەو ئەو شۊنە کرد، و دەرکەفت ک کوشیایەیلە یەکیگیان پیاوە وەناو (ع. ف. ش) لەتەمەن ٢٤ ساڵان، و ئەوەکە دۊیەتیگە  ١٨ ساڵان وەناو (ح. ق. ا).       

وەگورەی بەیاننامەگە،  لێکۆڵینەوەیلە نشان دان ک برای دۊیەتەگە تەقە لەلیان کردگە و هەردوگیان کوشتگە، ئەوەیش لەوەر گرفتەیلیگ خیزانی