کوشیان ژنیگ وە دەس شویەگەی لە دهۆک
2022-05-10T08:02:40+00:00
شەفەق نیوز/ وەڕێەوبەرایەتی پۆلیس پارێزگای دهۆک، ئمڕوو سێشەممە، خەوەر دا پیاویگ ژنەگەی خوەی کوشتیە لەناوڕاس شارەگە.
موقەدەم هێمن قسەکەر پۆلیس دهۆک لە کۆنگرەیگ رووژنامەوانی ک ئاژانس شەفەق نیوز وەدویاچگن ئەرای کردیە وت: هێزەیل پۆلیس لە تاوان کوشتنیگ ئاگادارکریان و دەسکردنە وە جەمەوکردن زانیاری و دەرچگە پیاویگ 32 ساڵان ژنە 28 ساڵانەگەی خوەی کوشتیە، وتیش ئەو خیزانە خاوەن یەک مناڵن.
وتیش، تاوانبارەگە خوەی رادەس پۆلیس کردیە دان نایە ک تاوانەگە ئەنجام دایە، دیاریکرد رویداوەگە لەوەر گرفت کۆمەڵایەتی رویدایە.
پیاوەگە وەتەڵ کارەبا ژنەگەی خنکانیە، تاوانبار وە فەرمان دادوەر وەپای مادەی 406 لە یاسای سزادان عراقی دەسگیرکریایە، لێکۆڵینەوە وەردەوامە.
