ئوستانەێل کوردنشین، فرەترین ئامار خوەێ‌کوشی دیرن

ئوستانەێل کوردنشین، فرەترین ئامار خوەێ‌کوشی دیرن
2021-01-19T06:13:24+00:00

شەفەق نیوز- پەنج ئوستان ئیلام، کرماشان، هەمەدان، لوڕستان و خوزستان، فێشترین ئامار خوەێ‌ کوشتن دیرن.

موعاون گەشە و نواگیری و دەرمان ئێعتیاد بێهزیستی ئێران وانگ دا: ئمساڵ دخوازیمن نەخشە و ئەتڵەس خوەێ‌کوشی دە ئێران دەراریمنە دەر ک ساڵێ تر وە بان ئەوە شوون نواگیری و باس کەم کردن ئاسیبەێل ئێجتماعی بگریمن.

رزوان مەدەنی وتگە ک دەو پەنج ئوستانەێلە ک لە لا خوەێ‌کوشتنەو هانە نوای گشت، تەرحەیلێ ئەڕا نواگیری لە خوەێ‌کوشی دنیمن.

خاسە بزانن ک ئی پەنج ئوستانە ک تووش قەیڕان خوەێ‌کوشی هاتنە، گشتێ هانە نام ناوچەێ زاگڕۆس و فرە لە دانیشتگەێلەن کورد و لوڕ و عەراون.

ئەوی ئی قسەێلە دە شار ئیلام و وەختێ ک ئەڕا گوشن کردن ناوەند جامێع دەرمان و تەوانمەندسازی موعتادەێلە چگەسە ئەو شارە، وتگەسەیان.

Shafaq Live
Shafaq Live