کوردستان.. ناڕەزایی لەبان مەرزیگ وەرد ئیران لەبان هاوردەی تەماتە
2023-09-18T13:48:39+00:00
شەفەق نیوز/ دەیان لە کشاوەرزەیل، ئمڕوو دووشەممە، لە قەزای پێنجوێن لە پارێزگای سلێمانی، ناڕەزایی کردن لەبان هاوردەی تەماتە لە دەوڵەتەیل هاوسا.
کامەران حسێن یەکیگ لە کشاوەرزە ناڕەزایل ئەرا ئاژانس شەفەق نیوز وت: ئی خوەینشاندانە وە ناڕەزایی لەبان وەناوهاتن تەماتە لە ئیران وە بڕەیل فرەیگ وەرەو هەرێم کوردستان، وتیش؛ ئەو بارەیلە وەڕی مەرز سیروان وەرد ئیران تیەێدە ناو.
وتیش؛ ئی ناڕەزاییە لەبان ری مەرزەگە ئەنجام دایمن، و بەرهەم تەماتەی خوەمان لەناو دایمن، جویر شیوەیگ لە ناڕەزایی.
دیاری کرد کە بەرهەم تەماتەی خوەمانی لە قەزای پێنجوێن بەش خوازین ناو هەرێم کوردستان کەێد، و توانای هەناردەکردنی ئەرا پارێزگایل ناوڕاس و باشووریش هەس، وتیش؛ تەماتەی پێنجوێن لە چین فرە خاسیگە.
کامەران وتیش: وەناوهاتن تەماتەی هاوردە وەشیوەی گەورەیگ کاریگەری بەدیگ لەبان ئیمەی کشاوەرزەیل و لەبان داهاتمان داشت، و داوا لە لایەنەیل پەیوەندیدار کرد هاوردەی تەماتە لە دەوڵەتەیل هاوسا بوسنن، و تەنیا لەبان بەرهەم ناوەخیی بمینن.
