لەدویای دوو ئەوەنە بەرزەوبوینی.. داوەزیان نرخ تەماتە لە بازاڕەیل سلێمانی
2024-03-13T11:06:08+00:00
شەفەق نیوز/ نرخ تەماتە لە بازاڕەیل سلێمانی، ئمڕوو چوارشەممە، داوەزین وەخوەی دی، لەوەر بڕیاڕەگەی وەزارەت کشاوەرزی ئەرا لاوردن قەیەغەی هاوردەکردنی، لەدویای ئەوەگ نرخەگەی رەسیە نزیکەی 2000 دینار پەرا هەر یەک کیلوگرامیگ.
وەڕێوەبەرایەتی گشتی کشاوەرزی سلێمانی، لە بەیاننامەیگ رەسیە ئاژانس شەفەق نیوز وت، "نرخ یەک کیلوگرام تەماتەی ناوخوەیی ئیرنگە هاناوەین 500 – 1000 دينار، دویکە نرخەگەی لەناوەین 1000 – 1400 دینار بوی".
لەدویای بڕیارەگەی وەزارەت کشاوەرزی ئەرا لاوردن قەیەغەی هاوردەکردن تەماتە، دەسکریا وە پرۆسەی هاوردەکردن وەپای بەیانیگ کە لە وەڕێوەبەرایەتی کشاوەرزی سلێمانی دەرچگە، و راگەیان نرخ تەماتەی هاوردە ئمڕوو هاناوەین 750-800 دينار.
