کوردستان تەواوبوین ئاماده‌كارى ئەرا دابەشکرن واکسین دژوە کۆڕۆنا راگەینێد

کوردستان تەواوبوین ئاماده‌كارى ئەرا دابەشکرن واکسین دژوە کۆڕۆنا راگەینێد
2021-02-25T11:23:46+00:00

شەفەق نیوز/دکتۆر سامان بەرزنجی وەزیر تەندروسی لە هەرێم کوردستان، ئمڕوو پەنجشەممە، تەواوبوین ئامادەكاریەكان ئەرا دەسکردن وەبەڕنامەی هەڵمەت دابەشکرن واکسین دژوە ڤایڕۆس کۆڕۆنا راگەینێد.

بەرزنجی لە کۆنگرەیگ رۆژنامەوانی لە بینای وەزارەتەگە وەگەرد شاندیگ لە پەرلەمان هەرێم کوردستان وت: هەرێم هالە ناو بەرنامەی نیشتمانی عراق لەی باوەتە وەگەرد وەزارت تەندروسی.

هەمیش وت: ناوەندە پزشکیە تایبەتەگانمان ئامادەكاری خوەیان کردنە، و دوێەکە وەهەماهەنگی وەگەرد وەزارەت تەندروسی عراق دەسکریا وه‌ راهێنان کادرە پزیشکیەكان ک کەفنە ئەو ناوەندەیلە، و ئاماژە کرد ک پێداویستیەیل بەرنامەگەیش ئامادە کریانە.

دکتۆر سامان وتیش؛ چەوەڕی رەسین بارەیل واکسین ئەرا عراق کەیمن، و بەش هەرێم تەرخان کریاگە، و دووپات کرد ک هەنای واکسینەگە رەسێد،  ئەو مەوقە ئەو رێژە زانیمن ک ئەوەسا دابەشی کریەێد.

Shafaq Live
Shafaq Live