کوردستان.. دەزگایگ زیاتر لە ٥ هەزار سکاڵا لەبان داعش توومار کەێد
شەفەق نيوز/ دەزگای لێکۆڵینەوە و گردەوکردن بەڵگە دەربارەی تاوانەیل داعش لە هەرێم کوردستان، ئمڕوو یەکشەممە،راگەیان توومارکردن زیاتر لە پەنج هەزار سکاڵای دادوەری لەبان ریخریاگ داعش.
نێچیرڤان سڵیمان قسەکەر دەزگاگە ئەرا ئاژانس شەفەق نیوز وت دەزگاگە توومارکردن زیاتر لە ٣٥٠٠ بەیاننامە ئەرا بیسەروشۊنەیلیگ تەواو کرد، و نموونە لە خۊین خوەیبەخشەیلە لە کەسوکارەیل قوربانیەیل داعش و نموونەی خۊین لە زیاتر لە ٢٥٠٠ گردەو کرد،نو داگەی دەس بەغداد تا بنووڕنە DNA ئەو نموونەیلە وەگەرد کەسوکارەیل قوربانیەیلە.
سڵیمان دیاری کرد ک دەزگای لێکۆڵینەوە و گردەوکردن بەڵگە تۊینستیش ئاشکرای ٧٩ کۆمەڵە قەورسان لە شەنگال بکەێد، و ١٩ قەوریش وەهاوکاری وەزارەت شەهید و ئەنفاڵکرایەیل لە هەرێم و دامەزراو شەهیدەیل لە حکومەت فیدراڵی و وەڕیەوبەرایەتی کۆمەڵە قەورسانەیل و تیم ناودەوڵەتی ئەرا لێکۆڵینەوە لە تاوانەیل داعش دیاری بکەێد.
