واشینتۆن ئارەزوو خوەی لە گەشەکردن پەیوەندیەیل وەگەرد هەرێم کوردستان دووپات کەێد
شەفەق نیوز/ ئیدارەی ئەمریکی، ئمڕوو چوارشەممە، دووپات لە ئارەزوو خوەی کرد لە بتەوکردن پەیوەندیەیل وەگەرد هەرێم کوردستان جوور هاوپەیمانیگ گرنگ ئەرا ئەمریکا لە ناوچە هەرێمیەگە، و پەیمان وەردەوامی لە پاڵپشتیکردن پێشمەرگە ئەرا نواگردن ریخریاگ داعش دا.
نووسینگەی راگەیانن مەسرور بارزانی سەرۆک حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی لە نووسینگەگەی لە هەولێر پێشوازی لە شاندیگ ئەمریکی کر، دیریک شولیت راوێژکار وەزارەت دەرەوەی ئەمریکا، و و بریت ماکگۆرک هەماهەنگکار کۆشک چەرمگ ئەرا باوەتەیل خوەرهەڵات ناوڕاس و باکورور ئەفریقیا، و جودي هود خاەن کارەیل یاوەر وەزیر دەرەوە ئەرا باوەتەیل خوەرهەڵات باشوور، و دانا ستروڵ خانمە جیگر یاوەر وەزیر وەرگری ئەرا باوەتەیل خوەرهەڵات ناوڕاس لەناوی بوین.
بەیاننامەگە دیاری کرد ک لەناو ئەو کۆبونەوە ک قوباد تاڵەبانی جیگر سەرۆک حکومەت هەرێم ئامادەی بوی، باس لە شیوەیل بتەوکردن پەیوەندیەیل ناوبەین هەرێم کوردستان و ئەمریکا کریا، و هەمیش باس دویاترین نووەوەبویەکان لە عراق و ناوچەگە.
شاندەگە سڵاو سەرۆک جۆ بایدن ئەرا سەرۆک حکومەت کوردستان رەسان، و نشان دا ک سەردانەگەی جوور دووپاتکردنە ئەرا ئارەزوو بایدن و حکومەت ئەمریکی لە بتەوکردن پەیوەندیەیل وەگەرد هەرێم کوردستان ک جوور هاوپەیمان گرنگیگە ئەرا ئەمریکا لە ناوچەگە.
شاندەگە دەسخوەشی لە چاکسازیەگە کرد ک حکومەت هەرێم دەس وەپیکرد، وەتایبەت چاکسازیەیل ناو وەزارەت پێشمەرگە، و لە نووەو دووپات لە وەردەوامی ئەمریکا و هاوپەیمان ناودەوڵەتی لە پاڵپشتیکردن پێشمەرگە کرد ئەرا نواگردن هەڕەشە تیرۆریەکان وەتایبەت لە ریخریاگ داعش.
