وینە.. وازکرد ٧ کۆمەڵە قەورسان ئەیزیدی لە شەنگال
شەفەق نیوز/ قەزای شەنگال، ئمڕوو سێشەممە، رسوومەیل وازکردن هەفت کۆمەڵە قەورسان ئەرا قوربانیەیل ئەیزیدی وەخوەی دی ک وەدەس ئەندامەیل داعش لە ماوەی داگیرکردن شۊنەیل فرەیگ لە خاک عراق کوشیان.
پەیامنێر ئاژانس شەفەق نيوز وت: نۊنەرەیل بڕیگ لە دامەزراوەیل حکومەتی و رێکخریایەیل مەدەنی و ماف مرۆڤ جەهانی و ناوخۆیی ئامادەی رسوومەیل وازکردن ئەو قەورەیلە بۊن لە ناحیەی سنونی سەروە قەزای شەنگال.
خەیری عەلی وەڕیەوبەر ریخریاگ ئەیزیدی ئەرا توومارکردن تاوانەیل لەبان ئەیزیدیەیلە ئەرا ئاژانس شەفەق نیوز دیاری کرد ک تیم لێکۆڵینەوەی ناودەوڵەتی و تیم نیشتمانی ئەرا باوەت و مقەیەتیکردن کۆمەڵە قەورەیلە، ئمڕوو دەسکردنە وازکردن ئەو قەورەیلە و روفاتەیل ناویان دراوردن.
عەلی دیاری کرد ک شمارەی قوربانیەیل ناو ئی قەورسانەیلە دیار نییە، و مەزەنە کرد شمارەیان بڕەسێدە نزیکەی ٧٠ قوربانی، و ئەوەسا وەرەو پزشک دادوەری بەغداد بریەن.
