وێنە.. هاوپەیمان ناودەوڵەتی هاوکاری گەورایگ دەێدە پێشمەرگە
شەفەق نیوز/ ئمڕوو پەنجشەممە، كاروانيگ لە هاوکاریە نووەگان رەسیە هێزەیل پێشمەرگە لە هەرێم کوردستان لەلایەن هاوپەیمان ناودەوڵەتی دژوە ریخریاگ داعش وە سەرپەرشتی ئەمریکا.
ئاهەنگ واژووکردنیگ وە ئامادەبوین کولۆنێل ویلیام جیگر فەرماندەی هێزەیل ئەمریکا لە عراق، و عەمید شێرزاد ئەسعەد وەرپرس دەسەی وەرگردن هاوکاریە نووەگان لە هاوپەیمان ناودەوڵەتی وەڕیەو چگ.
چەوەڕیکریاگە یەکەم بەش لە هاوکاریە سەربازیەگان بیریەێدە لیوایل سەروە وەزارەت پێشمەرگە، وەگورەی بەیاننامەی وەزارەتەگە.
لەی باوەتە، کولۆنێل ولیام وت: چینە نووگە لە هاوکاریە سەربازیەگان بڕ گەورایگ لە پێداویستیە سەربازیە گرنگەگان هاناوی، لەلیان ماشینەیلیگ سەربازیە، ئەوەیش لە وەردەوامی هەماهەنگی و هاوکاری دووانەیی وەگەرد وەزارت پێشمەرگە.
و ئاماژە کرد ک هاوکاریە سەربازیەگان ئەوەسا وەی نزیکە رەسن.
لەلای خوەییش، عەمید شێرزاد ئەسعەد وت: بەشە نووگە لە پێداویستیە سەربازیەگان لە چوارچێوەی هاوکاری سەربازی رەسیە دەسمان، و سوپاس لە هاوپەیمان ناودەوڵەتی کەیمن ئەرا پشتگیریکردن وەردەوامیان ئەرا وەزارت پێشمەرگە، و ئی هاوکاریەیلە فرە گرنگن ئەرا چەکدارکردن هێزەیل پێشمەرگە، و ئومیدخوازیمن ئی پشتگیریکردنە ئەرا وەزارت پێشمەرگە وەردەوام بوود.
