وێنەیل زیانداریگ لە سلێمانی دۊای بایکۆت کۆمپانیایل پاکەوکردن
شەفەق نیوز/ کومپانیایەیل پاکەوکردن گریەبەسی وەگەرد حکومەت هەرێم کوردستان لە پارێزگای سلێمانی، رووژ چوارشەممە، مانگردن لە کارەیلیان راگەیانن لەوەر دیرکەفتن خەرج شایستە دارایەیلیان.
شکار شۆرش وەڕێەوبەر کۆمپانیای شکار ئەرا پاکەوکردن وە ئاژانس شەفەق نیوز وت، لە مانگ ئەیلوول پارەکەوە کۆمپانیای شکار هۊچ شایستەیگ دارایی وەرنەگردیە، لە وەختیگ لە گریبەسەگەی نوان کۆمپانیاگە و هەرێم کوردستان بایەد شایستە داراییەیل لە ماوەی کەمتر لە 21 رووژ بڕەسێد.
وتیش، کۆمپانیاگە کارکردنی لە پارێزگای سلێمانی و هەلەبجە و ئیدارەی گەرمیان و راپەرین وسانیە تا ئیسە حکومەت هەرێم شایستە دارای ئەرایان خەرج نەکردیە تا بتۊنێد موچەی فەرمانبەریلی بیەێد.
سەرۆک ئەنجومەن پارێزگای سلێمانی ئازاد حەمە ئەمین لە بەیاننامیگ رەسیە ئاژانس شەفەق نیوز دووپات کرد، دۊاکەفتن خەرج شایستەی دارایی کۆمپانیایل پاکەوکردن چوودەو ئەرا خەرجنەکردن شایستەیلە وە لایەن وەزارەت شارەوانی ئەرا ئەو کۆمپانیایەیلە لەوەختیگ گشت هاوردەیل پارێزگاگە هالای وەزارەت دارایی.
ئاشکەرایش کرد، خەرجنەکردن ئی شایستەیلە بوودە گرفت گەپیگ و بایەت حکومەت چارەی ئی گرفتە بکەێد.
پەیامنێر ئاژانس شەفەق نیوز، لە سلێمانی وت، وسانن کارکردن وە لایەن کۆمپانیایل پاکەوکردن رەنگدایەسەو وەبان ژینگەی شارەگە دەسکریایە وە چۊچیان زواڵەیلە لە شۊنەیل جیاجا لە شارەگە هاوڵاتیەیل رخیان چوود لە بڵاوبۊن پەتا و بیماری لە ئەنجام وەجیهیشتن زواڵەیلە.
