وینە..ئەفسەریگ پێشمەرگە بڕوانامەیگ زانستی بەرزیگ لە زانکۆی بەریتانیا وەدەسهاورد
2023-07-19T09:43:22+00:00
شەفەق نیوز/ ئەفسەریگ لە وەزارەت پێشمەرگە، ماجێستێر لە زانست سەربازی کۆلێژ بەریتانیا وەدەسهاورد.
لە چوارچمگ هەماهەنگی و پاڵپشتی بەریتانیا ئەرا هەرێم کوردستان، لیوا رێبین رۆژبەیانی، ک ئەفسەرە لە وەزارەت پێشمەرگە، بەشداریکردیە لە خول 26هەمین زانکۆی فەرماندەیی و ئەرکان ئەرا ماوەی 15 مانگ و پلەی ماستەر لە زانست سەربازی وەدەس هاوردیە.
لیوا رێبین وە راگەیانن وەزارەت پێشمەرگە لە گرنگی خولەگە وتیە و راگەیانیە؛ زانکۆی ئەرکان بەریتانی شماریگ ئەفسەر لە بەریتانیا و وڵاتەیل هاوپەیمان ک 52 وڵاتە ئامادە کەێد ئەرا سەرکردایەتی و جیوەجیکردن ئەرکەیل ئۆپراسیۆن سەربازی.
لە کۆتایی مەراسیمەگە لیوا رێبین دروشم وەزارەت پێشمەرگە وە سەرۆک زانکۆگە وت، وەلایگیش سوپاس و پێزانین خوەی ئەرا هەرێم کوردستان راگەیان و پاڵپشتی زانکۆگە ئەرا وەزارەت پێشمەرگە نووکردەو.
