وێنە.. کۆڕەک ٥٠٠ هەزار دینار پێشکەش کەێدە هەر خیزانیگ لە قوربانیەیل پیشمەرگە
2021-01-16T10:41:28+00:00
شەفەق نیوز/ دامەزراو شەهیدان لە هەرێم کوردستان، ئمڕوو شەممە، راگەیان کۆمپانیای پەیوەندی کۆڕەک بایی نیم مەلیۆن دینار پێشکەش کردە خیزان هەر قوربانییگ لە هێزەیل پێشمەرگە لە جەنگ دژوە داعش.
سەید خەلیل رەحیم وەڕێۆبەر لق دامەزراوەگە ئەرا ئاژانس شەفەق نیوز وت: کۆمپانیای پەیوەندی کۆڕەک، لە مەوقەی بەشداربوینی لە ئاهەنگ ٣٠یەم ساڵیاد دامەزرانن دامەزراو شەهیدان راگەیان پێشکەشکردن بایی ٥٠٠ هەزار دینار ئەرا هەر خیزان قوربانییگ لە هێزەیل پێشمەرگە لەوەانەگ لە جەنگ رزگارکردن شارەگان لە ریخریاگ داعش شەهید بوینە.
رەحیم دیاری کرد ک هێزەیل پێشمەرگە ٢١٩ شەهید لە جەنگەیل رزگارکرن دیرێد، و پێشکەشەگە گشتی وەبی جیوازی گریدەو.
