وێنە.. گەشتوگوزار دهۆک دڵخوەشی خاسیگ لە ٢٠٢١ دیرێد

وێنە.. گەشتوگوزار دهۆک دڵخوەشی خاسیگ لە ٢٠٢١ دیرێد
2021-01-09T11:06:38+00:00

شەفەق نیوز/ پارێزگای دهۆک لە هەرێم کوردستان، هاتن فرەیگ لەلایەن شاندە کەشتیەگان لە پارێزگایل ناوڕاس و باشوور عراق لە سەرەتای ئی ساڵە وەخوەی دی، دویای ئەوە ک پەتای کۆڕونا و ریکارە مقەیەتیەگان پلان گەشتوگوزار پارەکەی پارێزگاگە فەوتان.

پەیامنێر ئاژانس شەفەق نیوز وت: هەزاران لە گەشتیارەگان هاتنە پارێزگای دهۆک و کویەی کارە لەبان قەزای عمادیە لە باکوور پارێزگاگە، وەپێچەوانەی ساڵ گوزەیشتە ک کەمەوبوین گەورایگ لە ژمارەی گەشتیارەگان وەخوەی دی.

رێوار عومەر وەڕێۆبەر راگەیانن گەشت وگوزار دهۆک ئەرا ئاژانس شەفەق نیوز ئووشێد: بڵاوبوین پەتای کۆڕونا و چەسپانن ریکارە مقەیەتیەگان لە مەوقەیلیگ دیاریکریاگ لە ساڵ ٢٠٢٠، هیشت پێشبینیەگان گەشتوگوزار دهۆک وە کیشانن زیاتر لە ٧٠٠ هەزار گەشتیار ئەرا پارێزگاگە بسڕیەێدەو.

و ئاماژە کرد ک ژمارەی گەشتیارەگان لە ساڵ گوزەیشتە رەسیە تەنیا ١٥٠ هەزار گەشتیار.

رێوار ئاماژە کرد ک سەرەتای ئی ساڵ نووە ٢٠٢١ دڵخوەشی دیرێد ک دە هەزار گەشتیار لەماوەی ١٠ رووژ دویایین هاتنە ناو دهۆک، و دیاریکرد ک شوونە گەشتیاریە زمسانیەگان ئەرا پێشوازیکردن وە گەشتیارەگان ئامادە کریان، جوور سەیرانگەی شێروانە و ئەشکەفت ئینشکی و سولاف و ئەو شوونەگان تر
Shafaq Live
Shafaq Live