وینە.. کەسوکار قوربانیەیل ئەنفال لە سلێمانی ناڕەزایی کەن
2022-04-14T12:05:27+00:00
شەفەق نیوز/ کەسوکارەیل قوربانیەیل ئەنفال لە قەزای چەمچەماڵ سەروە پارێزگای سلێمانی، ئمڕوو پەنجشەممە، وسیانیگ ناڕەزایی لەبان خراوی خزمەتگوزاری و پشتگووشخستنیان لەلایەن دەسەڵاتەیل پەیوەندیدار ڕێک خستن.
موراد عەلی یەکیگە لە کەسوکارەیل قوربانیەیل ئەنفال ئەرا ئاژانس شەفەق نیوز وت: ئمڕوو وەبوونەی ٣٤مین ساڵیاد ئەنفال، دەیان لە کەسوکارەیل قوربانیەیل ئەنفال لەوەردەم پەیکەر ئەنفال لە چەمچەماڵ گردەو بۊن لە ناڕەزایی لەبان ئەو پشتگووشخستنە ک لەلاین حکومەت وە وخوەیان دۊنن.
وتیش: شار چەمچەماڵیش وەلایەن دەسەڵاتەیل پەیوەندیدار پشتگووش خریاگە، ئەراوە داوای مافەیلمان جۊر ئەنفالکریاگ کەیمن، و داوای ماف کوڕە شەهیدەیلمان کەیمن.
لەلای خوەییش، پەیامنێر ئاژانس شەفەق نيوز وت: ناڕەزایلە گشت دەروازەیل شۊن گردەوبۊنەگە بەسان و نەیشتن وەرپرسەیل بانە ناو.
