وێنە.. ٥ کەس لەناونی مردن و زەخمداربوین لە رووداویگ هاتووچو لە هەولێر

شەفەق نیوز/ وەڕێۆبەرایەتی هاتووچو لە پارێزگای هەولێر، ئمڕوو جمعە، خەوەردا لە مردن مناڵیگ، و زەخمداربوین چوار کەس، لە رووداو لەیەکداین سێ ماشین، لەبان ریە کۆنەکە وەرەو قەزای بەنسڵاوە.

رائد فازڵ حاجی قسەکەر وەناو وەڕێۆبەرایەتیەگە لە بەیاننامەیگ وت: رووداوەگە لە ساعەت ١:٤٠ شەوەکی ئمڕوو بوی، و ئاماژە کرد لە لەیەکداین سێ ماشین، یەکیگیان مارکەی نیسان سەنی و ئەواکە مارکەی شینک یۆنک، وسێیمەگە  مارکەی جێب بوی.

وتیش؛ رووداوەگە بویە هووکار مردن مناڵیگ لە تەمەن یەک ساڵ وهەیشت مانگ، و زەخمداربوین چوار کەس دوو شوفێر لەناویان ، وهەمیش زەرەدەیل گەورایگ، و هووکار رووداوەگە خوەی نا پابەندی وە رینمایل هاتووچو و زوی رانین بوی.