وینە.. بارزانیەیل روفات ١٠٠ لە قوربانیەیل ئەنفال لە هووزەگە وەخاک نەن
شەفەق نیوز/ خەڵک ناوچەی بارزان لە هەولێر، ئمڕوو یەکشەممە، روفات ١٠٠ بارزانی لە قوربانیەیل ئەنفال بەدناو نانە خاک، ک رژیم بەعس وەرین لە هەیشتایل سەدەی گوزەشتە دژوە کورد جیوەجیی کرد.
پەیامنێر ئاژانس شەفەق نيوز وت: بەڕێز مەسعود بارزانی، و نێچیروان بارزانی سەرۆک هەرێم کوردستان لە پیشوازیکردن روفاتەیل لە ناوچەی بارزان ئامادە بوین، هەمیش عادل عەبدولمەهدی سەرۆک وەزیرەیل وەرین، و فوئاد حسێن وەزیر دەرەوە.
هەمیش خاوەن قوربانیە ئەنفالکریایل ئامادە بوین، و چەپکە گوڵ لەبان تابووت ئەو روفاتەیلە دانان، تا لە قەورسان ئەنفالکریایل لە ناوچەی بارزان وەخاک بنریەن.
رووژ شەممە، روفات ١٠٠ لە قوربانیەیل ئەنفال لە بارزانیەیل وە ئامادەبوین سەرۆک پارت دیموکراتی کوردستان مەسعود بارزانی، وسەرۆک هەرێم کوردستان نێچیرڤان بارزانی رەسیە فڕۆکەخانەی ناودەوڵەتی هەولێر.
جینین پلاسخارت خانمە نوینەر ئەمیندار گشتی نەتەوە یەکگرتگەیل، وجیگر سەرۆک وەزیرەیل هەرێم کوردستان، ونوینەر سەرۆک وەزیرەیل عراق، وجیگر سەرۆک ئەنجومەن نوینەرەیل عراق، وبڕیگ لە گەورە وەرپرسەیل لە هەرێم کوردستان وعراق ئامادەی ئەو رسوومەیلە بوین.
