وەزیر سامانە سروشتیەیل هەرێم کوردستان دەس لە کارکیشانەوەی خۆی راگەیان
شەفەق نیوز/ حکومەت هەرێم کوردستان، ئمڕوو پەنجشەممە، دەس لە کارکیشانەوەی کەمال ئەتروشی وەزیر سامانە سروشتیەیل راگەیان وە هووکار تەندروسی.
نوسینگەی سەرۆک وەزیرەیل لە هەرێم کوردستان لە بەیاننامیگ رەسیە ئاژانس شەفەق نیوز وت، " لەوەر جیگیر نەوین بارودۆخ تەندروسی دکتۆر کەمال ئەتروشی وەزیر سامانە سروشتیەیل و چەن جاریگ موولەت وەرگردن"، وتیش" وە خاتر گەشتکردن ئەرا دەرەوەی وڵات ئەرا چارەسەر وەرگردن ک ماوەیگ فرەتر وەپی چوود، هەر لەوەریە دەسلەکار کیشانەوەی خوەی ئاراستەی سەرۆک وەزیرەیل کردیە.
وتیش" تا کاریگەری نەرێنی لەبان کاروبار وەزارەتەگە نەیاشتوود، سەرۆک وەزیرەیل دەسلەکارکیشانەوەگە پەسەن کردیە، بڕیار دریا بکرێد وە راوێژکار کاروبار وزە وەگورەی توانا و بارودۆخ تەندروسیەگەی"، دووپاتکرد" لەهەمان وەخت بەرێز کەمال محەمەد سالح وەزیر کارەبا ئەرا وەزیر سامانە سروشتیەگان دیاری کریا".
