بلاسخارت ئەرا شەفەق نیوز: سودانی بڕ سەختیەیل و میکانزم چارەکردنیان زانێد

شەفەق نیوز/ جینین بلاسخارت نوینەر ئەمیندار گشتی نەتەوە یەکگرتگەیل، ئمڕوو سێشەممە، وت: بەغداد و هەرێم کوردستان جدیین لە چارەکردن گرفتەیل گیرهاتگ ناوبەینیان.

بلاسخارت ئەرا ئاژانس شەفەق نیوز لەبان پرسیاریگ ک ئایا گەشبینە لەی حکومەت نووە لە عراق، وت: سەختیەیل فرەیگ هانە ری حکومەت عراق، و مەزەنە کەم سەرۆک وەزیرەیل خاس زانێد چە یەکەمین کارە ک بایەتە چارەی بکەێد، ئومید خوەشبەختی ئەرای خوازم.

لەباوەت پرسیاریگ ک ئایا حکومەت نوو توەنێد چارەی گرفتەیل گیرهاتگ ناوبەین حکومەت هەرێم کوردستان و بەغدا بکەێد، بلاسخارت وت: زانم ک رێککفتنیگ ناوبەین هەولێر و بەغدا هەس ئەرا کارکردن لەبان گشت باوەتەیل، و مەزەنە کەم ک هەردوگ لایەنەگە رکردارن لەی کارە.