وەزیر تەندروسی هەرێم: تووشهاتەیل کۆڕۆنا بەرزەو بوین و دەلتا تۆمار کردیمن

شەفەق نیوز/ دکتۆر سامان بەرزنجی وەزیر تەندروسی لە هەرێم کوردستان، ئمڕوو پەنجشەممە، راگەیان ک هەرێم کوردستان تووشهاتنەیلیگ وە ئاڵشتبوی کۆڕۆنا لە چین «دەلتا» ی زوی بڵاوبوی تۆمار کرد.

بەرزنجی لە کۆنگرەیگ رۆژنامەوانی لە هەولێر و پەیامنێر ئاژانس شەفەق نیوز ئامادەی بوی وت: رێژەی تووشهاتنەیل ڤایڕۆس کۆڕۆنا وەشیوەی رخبەریگ لە هەرێم کوردستان بەرزەو بوی، و نشانەی ئاڵشتبوی کەفتە رەنگ نارنجی تووخ، و لەو ناوچەیل عراق هالە رەنگ سوور.

وتیش؛ تووشهاتنەیل پەتاگە لەناو خەسەخانەیل کوردستان ئەرا دووقات بەرزەو بوی.

وتیش؛ بایەدە هاووڵاتییەیل پابەند وە رینمایل تەندروسی و ریکارەیل مقەیەتیکردن بوون، ودیاری کرد ک ٥٪ لە دانیشتوەیل هەرێم کوردستان تاقەبەشەیل واکسین دژوە کۆڕۆنا وەرگردنە.