وەردەوەردە کەفێدە مابەین خوەنەوارەیل و هێزەیل ئەمنی لەوەردەم زانکوی سلێمانی
شەفەق نیوز/ سەرچەوەیگ ئەمنی لە سلێمانی، ئمڕوو دووشەممە، خەوەردا وەردەوەردە کەفتیەسە مابەین خوەنەوارەیل خوەینیشاندەریل زانکۆیل و هیزەیل ئەمنی هەنای وە گاز ئەسر رشن و ئاو سویەر تەقەڵای چویچیان خوەنەورەیل دانە.
سەرچەوەگە وە ئاژانس شەفەق نیوز وت، ئمڕوو وەردەوەردە کەفتیەس لە مابەین هیزەیل ئەمنی و خوەنەوارەیل زانکۆ ک خوەینیشاندان لە نوای بینای سەرۆکایەتی زانکۆی سلێمانی ئەنجامدانە، وتیش ئەو هیزەیلە گاز ئەسر رشن وەکارهاوردنە وەرد ئاو سویەر ئەرا بڵاوە وەپیکردن خوەینیشاندەرەیل.
سەرچەوەگە دیاریکرد، ئەرا وەردەوەردە وەگەرد هیزەیل ئەمنی خوەنیشاندەرەیل سەنگ وەکارهاوردنە، دیاریکرد هیزەیل ئەمنی شمارەیگ پەیامنێر دەسگیرکردنە و دویای چەن ساعەتیگ ئازادیان کردنە.
خوەنەوارەیل زانکۆی سلێمانی و زانکۆی تەکنەلۆجیا و زانکۆی گەرمیان و زانکۆی کۆیە، ئمڕوو دووشەممە، پەیمان دان وە فراوانکردن خوەنیشاندانەیلیان ئەگەر داواکاریەلیان جیوەجی نەکریەێد.
