خوەنەوارەیل زانکۆی سلێمانی خوەنیشاندان کەن...وینە
2024-01-15T09:28:15+00:00
شەفەق نیوز/ دەیان خوەنەوار زانکۆی سلێمانی، ئمڕوو دووشەممە، خوەنیشاندان کردن ئەرا داواکاری خەرجکردن دەرماڵە و دابینکردن خزمەتگوزاری بنەرەتیەگان ئەرا بەشە ناوخوەیەگان و کەمەوکردن کرای خوەنین ئیواران.
یەکیگ لە دویەتە خوەنەوارەیل خوەنیشاندەرەگە (داواکرد ناوی دیار نەود) وە ئاژانس شەفەق نیوز وت، ئەوان ئمڕوو خوەنیشاندان کردنە لەوەر کەمی خزمەتگوزاری لە بەشە ناوخوەیەگان و وەگەردیا خەرجکردن پویل دەرماڵە کە ماوەی چەن مانگیگە وسیایە.
وتیش، ئەرا ئمساڵ وە رێژەی 100 لەسەد داواکەیمن لە کرای خوەنین ئیواران بوەخشنمان، وەمدوو قەیران دارایی و ئەو قەیرانەی خانەوادەیلمان وەپی رەدبوون.
وتیش، کرای خوەنستن وەرێژەی 45٪ کەمەوکریایە، باوجی ئیمە داواکاریمن، ئێ کەمکردنە لە حکومەتەیلتر وەردەوام بوود.
