وەرگیری شارستانی هەوێر کۆتایی وە کارەیل مینەکردن لەناو ماڵەگەی پێشڕەو دزەیی هاوردن وەبی پەیاکردن تەرم کارگوزار فلیپینیەگە
2024-01-23T09:09:12+00:00
شەفەق نیوز/ وەڕێوەبەرایەتی وەرگیری شارستانی پارێزگای هەولێر پایتەخت هەرێم کوردستان، ئمڕوو سێشەممە،راگەیان لەدویای هەفتەیگ کۆتایی وە کارەیل کوڵەوشکین ماڵەگەی بازرگان کورد پێشڕەو دزەیی هاتیە وەبی پەیاکردن تەرم خانمە کارگوزارە فلیپینیەگە.
کاروان عەلی قسەکەر وەرگیری شارستانی ئمڕوو لە کۆنگرەیگ رووژنامەوانی کە لە نوای ماڵ "دزەیی"کریا و ئاژانس شەفەق نیوز ئامادەبوی راگەیان، "لە دویای رەدبوین زیاتر لە هەفتەیگ کۆتایی وە مینەکردن تەرم خانمە فلیپینیەگە (میشێل)هاتیە، وە داخەو تەرمەگەی پەیانەکریاس تا ئیسە چارەنویسی نادیارە".
عەقید کۆچەر عەبدوللا لە وەرگیری شارستانی هەولێر وت: :لە ماوەی ئێ هەفتە تەنیا چەن پارچەی بویچگیگ لە تەرم کەسیگ پەیا کریاس و ئەرا فەرمانگەی پزیشک دادوەری هەولێر کلکریاس تا بەراوردی بکەن وەرد تەرم قوربانیەیل ترەک".
قسەکەر وەڕێوەبەرایەتەگە وتیش؛ لەسەرەتای پەلامارەگەی سووپای پاسداران ئیران وەبان ماڵەگەی "شەهید پێشڕەو دزەیی" زیاتر لە 300 ئەندام وەرگیری شارستانی هەولیر بەشداری کارەل لێکۆڵینەوە و کوڵەوشکین کردنە.
