پارێزگار هەولێر: دەزگا ئەمنییەیلد وە زۊترین وەخت ئەنجامدەرەیل پەلامارەگە ئاشکرا کەن
2022-03-13T08:49:26+00:00
شەفەق نیوز/ دۊای وەشیان شامرەیگ مووشەک وەرەو کونسوڵخانەی ئەمریکا، پارێزگار هەولێر کەناڵ کوردستان 24 کەێدە سەر.
مووشەکەیلە شەفەق ئمڕوو یەکشەممە 13-3-2022 وەرەو کونسوڵخانەی ئەمریکا لەهەولێر وەشیان، و زیان دارایی وە دەورگرد کونسوڵخانەکە رەسان.
لەوەر کاریگەریی مووشەکەیلە، تەنیا زیان دارایی وە باڵەخانەی کەناڵ کوردستان 24 رەسیە.
ئومێد خۆشناو، پارێزگار هەولێر کەناڵ کوردستان 24 کردە سەر، و لەورا راگەیان: وەشۊنکەفتن ئەرا رۊداوەگە کەن و دەزگا ئەمنییەیلە ئەنجام لێکۆڵینەوەکان ئاشکرا کەن.
ئومێد خۆشناو هەمیش رایگەیاند: پەلامارەگە کردەوەیگ تیرۆریستی بۊە و هۊچ زیانیگ مرۆیی لەلی نەکەفتیە.
پارێزگار هەولێر باس ئەوەیش کرد ک زانیای سەرەتایی لە پەلامارەگە کەفتیەسە دەس هێزە ئەمنییەیلە و وە زۊترین وەخت ئەنجامدەرەیل پەلامارەگە ئاشکرا کەن.
