وە بەشداری ئەمریکا و ئەوروپا… هەولێر میوانداری پیشانگایگ ناودەوڵەتی "جویری" دڵنگ کەێد
2023-12-14T10:32:16+00:00
شەفەق نیوز/ ئیدارەی پێشانگای ناودەوڵەتی هەولێر ئەرا دڵنگ، ئمڕوو پەنجشەممە، راگەیان وە بەشداری 135 کۆمپانیا لە 15 وڵات عەرەبی و جەهانی بەرهەمەیلیان کە پێداویستی خێزان نمایش کردن.
نزار عەزاوی یەکیگە لە دامەزرێنەرەیل ئی پێشانگایە وە ئاژانس شەفەق نیوز وت "135 کۆمپانیا لە 15وڵات عەرەبی و جەهانی لەناویانیش ئەوروپی و وڵاتە یەکگرتگەیل هەس بەشداری لە پێشانگای هەولێر ئەرا دڵنگ کردنە ئیە کۆتا پێشانگاس لە هەرێم لە ئمساڵ دابنریەێد".
وتیش "پێشانگاگە دوو لایەن گردیەسە خوەی یەکیگیان نمایشکردن و ئەوەکەش فروشتن راستەوخوەی دڵنگ و ئەوەگ خیزان پێویستی کەێد".
عەزاوی وتیش "ئێ پێشەنگا کریەێد وە جویری ناو بنریەێد، هەوەجە کەێد گشت وەرزەیل ساڵ سازبکرێد"، دیاریکرد "پێشانگاگە ماوەی 4 رووژ وەردەوام بوود".
