هاوردن تەرم زانای مێژوونوس کەماڵ مزهر لە ئەڵمانیا ئەرا هەرێم کوردستان
شەفەق نیوز/ بڕیارە ئیوارەی ئمڕوو سێشەممە، تەرم کەماڵ مزهر زانای مێژوونووس ئاکادیمیایی بڕەسێدە فڕۆکەخانەی ناودەوڵەتی هەولێر، تا رسوومەیل وەخاکسپاردن لە پارێزگای سلێمانی ئەرای بکریەێد.
وەگورەی راگەیانن هەڤاڵ ئەبوبەکر پارێزگار سلێمانی، لەبان ماڵپەڕ فەیسبووک: سوو چوارشەممە رسوومەیل تایبەت وە پێشوازیکردن لە تەرمەگە لە هەولێر وەڕیەو چوود، تا لەورا وەرەو شار سلێمانی ماڵئاوایی لەلی بکریەێد.
و دیاری کرد ک ئەوەسا پارێزگارەگە لە دەروازەی شارەگە وە رسوومەیلیگ شایستە وە رحمەتی پێشوازی لەلی کریەێد، و لە گردی سەیوان وەخاک نریەێد.
پارێزگار بانگواز ئەرا گشتی کرد وە گرنگی پابەندبوین وە ریکارە تەندروسیەکان و کارە مقەیەتیەکان لە وەخت رسوومەیل ماڵئاواییەگە، لەوەر رەوشەیل کۆڕۆنا.
زانای مێژوونووس عراقی کورد دکتۆر کەماڵ مزهر، لە رووژ سێشەممە ١٦ی ئادار لە تەمەن ٨٤ ساڵان دویای ململانەی دریژیگ وەگەرد بیماریەگە لە ئەڵمانیا کۆچ دویایی کرد.
کەماڵ مۆهێ لە ١٤ی شوبات ساڵ ١٩٣٧، لە ناحیەی ئاغجلەر سەروە قەزای چەمچەماڵ لەداڵگ بوی، و میراتی دەوڵەمەنیگ لە کتاوەیلی وە زوان کوردی و عەرەوی هیشتە جی.
