هەولێر وە بوونەی قوربانیەیل پەلامارەگەی ئیران 3 رووژ پرسەی گشتی راگەیان
2024-01-16T17:50:06+00:00
شەفەق نیوز/ حکومەت ناوخوەی پارێزگای هەولێر پایتەخت هەرێم کوردستان، ئمڕوو سێشەممە،سێ رووژ پرسەی گشتی راگەیان ئەرا گیان قوربانیەیل پەلامارەگەی ئیران.
پارێزگاگە لە بەیانامەیگ رەسیە ئاژانس شەفەق نیوز وت، "لەوەر دەسدرویژی مووشەکیەگەی دویەشەو وە لایەن هێزەیل کۆمار ئیسلامی ئیران، بویە هووکار شەهیدبوین چوار هاوڵاتی مەدەنی و زەخمداربوین شەش کەس، پرسە و سەرەخوەشی خوەمان ئاراستەی کەسوکار شەهیدەیل کەیمن داواکاریمن لە خودا جیگایان بەهەشت بوود و خاسەوبوین ئەرا زەخمدارەیل بوەخشێد".
وتیش "لەئمڕوو پرسە راگەێنیمن لە سنوور پارێزگای هەولێر ئەرا ماوەی سێ رووژ".
