هەولێر ناوچەیلیگ ئاشکرا کەێد ک هشکەیەگەی ئمساڵ رەسیە پییان

شەفەق نیوز/ هێمن سەید موڕاد وەڕێۆبەر کشتوکاڵی گشتی لە هەولێر، ئمڕوو چوارشەممە، وت: نەخشەی کشتوکاڵی لە پارێزگاگە لەبان سێ ناوچە بەشەوە بویە، دووانیان کەفتنە وەر هشکیەگەی ئمساڵ، و ئەوەسا بەرهەم کشتوکاڵیەیلیان کەمەو بوود.

سەید موڕاد ئەرا رووژامەوانیەیل وت: شوونەیل کشتوکاڵی لە کوێەکان لە هشکیەگە رەد كردن، وەلی ئەو دوو ناوچەگە کەفتنە وەر هشکیەگە و ئمساڵ بەرهەم دەیمی لەلیان دەرنێچوود.

و دیاری کرد ک ناوچەیل سنوور قەزای مەخموور، و ناحیەی دیکلە، و دیبەگە، و گوێر، وەئاشکرایی کەفتنە وەر هشکیەگە.

وەرپرسە حکومەتیەگە وتیش؛ ناوچەیل شمامکە، و عنکاوە، و بەنسڵاوە، و کوێسنجاق، بەرهەمەیلیان وەرێژەی ٥٠٪ مسۆگەرە.