هەولێر زەرەدەیل ئاگر کامپ ئاوارەیی هەرشم ئاشکرا کەێد
2023-07-12T11:57:10+00:00
شەفەق نیوز/ قایمقامیەت قەزای عەنکاوە لە هەولێر پایتەخت هەرێم کوردستان، ئمڕوو چوارشەممە، سزیان نزیکەی ١٦ کەرەڤان لە کامپ ئاوارەیی هەرشم راگەیان.
رامی نووری قایمقام عەنکاوە ئەرا رووژنامەنویسەیل وت: وەداخەو ک وەگورەی ئامارەیل سەرەتایی لە ١٤ تا ١٦ کەرەڤان لەناو کامپەگە سزیا، وتیش؛ هویچ زەرەدیگ گیانی توومار نەکریا بیجگە زەرەد دارایی، و دووپات کرد ک گشت ئاوارەیل لەناو کامپەگە خاس و بیوەین.
نووری وتیش؛ تیمەیل ئاگرکپەوکردن لە وەڕیەوبەرایەتی وەرگیری شارستانی لە هەولێر وە وەختیگ پەیمانەیی رەسینە شوین رویداوەگە و ئاگرەگە کپەو کردن.
