ئه‌نجومه‌ن ئه‌ده‌بی چاردووڵی که‌فته کار
شه‌فه‌ق نیوز/ ئه‌نجومه‌ن ئه‌ده‌بی چاردووڵی، وه ده‌س و خیره‌ت بڕێ له شاعره‌یل و نویسه‌ره‌یل و چالاکه‌یل ئێڵ کورد چاردووڵی ده ئازه‌ڕبایجان روژئاوای ئێران، دامه‌زریا.
رووژ یه‌کم مانگ مێهر، یه‌کم دانیشتنه‌وه‌ی ئی ئه‌نجومه‌نه که‌فته رێ و بڕێ له شاعره‌یل و نویسه‌ره‌یل، شێعر و ئه‌ڵوه‌ست و چیرۆکه‌یله‌ی خوه‌یان خوه‌نستن.
ئێڵ چاردووڵی ک بڕێ دویشن بنچینه‌یان ئه‌ڵگه‌ردێ وه ئێڵ چه‌ڕداوڵی ئیلام، ده نامه‌ین تورکه‌یل و کورده‌یل سوورانی و کورده‌یل کرمانج ئازه‌ڕبایجان، یه سه‌دان ساڵه دژیین و هێمان ک هێمان، ساغی و بنچه‌کوانی خوه‌یان بردنه‌سه ره‌سه‌ت و بن‌دوروس.
چاردووڵیه‌یل، هه وه‌ی نامه‌وه، ده ئوستانه‌یل هه‌مه‌دان، ئازه‌ڕبایجان و کوردستان، دانیشته بینه و وه زوان کوردی، زاراوه‌ی فره نزیک وه کوردی فه‌یلی به‌غدا، یانێ کوردی به‌یره‌یانه‌یئێڵ به‌یره‌ی ک هانه شارستان به‌دره‌ی ئیلام، قسه دکه‌ن.
