هەفتەمین زەویلەرزە دەێدە سلێمانی
2021-04-11T09:43:32+00:00
شەفەق نیوز/ وەزارت گواستنەوەی عراق، راگەیان تۆمارکردن دوو زەویلەرزە، ئمڕوو یەکشەممە ١١ی نیسان ٢٠٢١، لە قەزای پێنجوێن لە پارێزگای سلێمانی.
راپۆرتەگەی دیاری کرد ک لەرزەکان لە وەختەیل نزیکیگ تۆمار کریان، یەکەمەگە لە ساعەت ٠٨:٥٠:٠٩ شەوەکی ئمڕوو وە هێز ٢،٨ پلە وەدویری ٥٧ کێلومەتر لە باکوور خوەرهەڵات قەزای پێنجوێن لە پارێزگای سلێمانی، و دوویەم لەرزەگە لە ساعەت ١٠:١٦:٤٧ وە هێز ٣،٧ پلە وەدویری ٥٢ کێلومەتر لە باکوور خوەرهەڵات قەزای پێنجوێن تۆمار کریا.
وەگورەی راپۆرتەگە، هەستکردن وە دوو لەرزەگە نەچەسپیا.
