هەڵسان ئاگریگ لەناو کامپیگ ئاوارەیی لە دهۆک
2021-08-18T12:18:41+00:00
شەفەق نیوز/ فەرمانگەی ئاگرکپەوکردن پارێزگای دهۆک، ئمڕوو چوارشەممە، راگەیان هەڵسان ئاگریگ لەناو کامپیگ ئاوارەیی لە قەزای زاخۆ.
موقەدەم ریبوار عەبدولعەزیز وەرپرس راگەیانن فەرمانگەگە ئەرا ئاژانس شەفەق نیوز وت: ئاگریگ وەرجە نیمەڕو ئمڕوو لە کامپ ئاوارەیی چەم مشکو لە باکوور قەزای زاخۆ هەڵسا.
وتیش؛ ئاگرەگە لەناو دوو چادر گوڵپە کرد، وتیش؛ تەنیا زەرەدەیلیگ دارایی لەلی بویەو.
عەبدولعەزیز وتیش؛ هیمان هووکار ئاگرەگە نادیارە.
