هەرچەن ئاوی کەمە.. بەنداو دەربەندیخان رەسێدە هانای دیالە
2023-02-04T11:59:50+00:00
شەفەق نیوز/ وەڕیەوبەرایەتی بەنداو دەربەندیخان لە هەرێم کوردستان، ئمڕوو شەممە، وەردەوامی لە مەقەزکردن ئاو وەرەو پارێزگای دیالە راگەیان، هەرچەن ئاو کەمیگ وەناوی زاێد.
سامان ئیسماعیل وەڕیەوبەر بەنداوەگە ئەرا ئاژانس شەفەق نیوز وت: وەڕیەوبەرایەتی بەنداوەگە وەردەوامە لە مەرقەزکردن ئاو وەرەو دەریاچەی حەمرین لە دیالە و دەیان ئاوای لە کنار و نزیک چەم سیروان، وەبان کڕ تەکانیگ وە ریژەی ١٥ مەتر شەشپاڵوو لە چرکەیگ، ئەرا خوازینەیل سەرەکی دویای ئەوە ک ئیسە ئاوەگە ئەرا کشتوکاڵی نەخوازیاگە.
وتیش: ئەمار ئاو بەنداو دەربەندیخان وە ئاست ٤١مەتر شاشپاڵوو لە گوزەشتە کەمترەو بویە، لەوەر نەوین و کەمی واران زمسانی لە دەربەندیخان لەی وەرز زمسانە، وە بەراورد ئەو وارانەیل رفتە لە ناوچەیل دیالە.
ئیسماعیل وتیش: ئەمار ئیسەی دەریاچەی بەنداو دەربەندیخان رەسێدە ٩٨٠ مەلیۆن مەتر شەشپاڵوو، و ئومێد وە واران وەهار دیریمن بەنداوەگە پڕ بکەێد.
