هەرێم کوردستان ٢٠٠ ملیار دینار لە بەغداد ئەرا مووچە وەرگرێد
2021-12-20T10:44:07+00:00
شەفەق نیوز/ وەزارەت دارایی و ئابووری لە هەرێم کوردستان، ئمڕوو دووشەممە، راگەیان رەسین ٢٠٠ ملیار دینار عراقی ئەرا هەژمار بانکیەگەی، ئەرا خەرجکردن مووچەی فەرمانبەرەیل هەرێم.
وەزارەتەگە لە بەیاننامەی کولیگ رەسیە ئاژانس شەفەق نیوز وت: لە ساحەت ١٢ و نیم نیمەڕو ئمڕوو، پۊلیگ بایی ٢٠٠ ملیار دینار عراقی لە بەغداد رەسیە هەرێم کوردستان، وەگورەی رێککەفتنەگە.
لق بانک ناوەندی عیراق لە هەولێر پایتەخت هەرێم کوردستان، پۊلەگە خستە هەژمار بانکی ئەرا وەزارەت دارایی و ئابووری کوردستانی، وەخاتر خەرجکردن مووچەی فەرمانبەرەیل و کارمەنەیل کەرت گشتی.
